Mokka | Slippfélagið

Mokka

Liturinn Mokka var búinn til af Soffíu og Slippfélaginu fyrir þáttaröð Skreytum hús. Eins og nafnið gefur til kynna minnir liturinn á mokka kaffi sem samanstendur af kaffi, kakó og mjólk og úr verður þessi guðdómlegi bolli. Mokka er því mjúkur, brúnleitur litur, með dass af gulum og rauðum undirtón sem gerir hann svo fallega jarðtóna.

Gott að vita þegar málað er innanhús

Loft eru alltaf máluð á undan veggjum, svo ekki fari málning á nýmálaða veggina.
Loft eru oftast höfð ljósari en veggir. Þannig skynjum við herbergi stærri og rýmri.
Aukin gljái gerir misfellur á yfirborði meira áberandi. Mött málning felur misfellur betur en gljáandi.
Ekki er ráðlagt að mála loft með hærra gljástig en 5. Á veggi í herbergjum og stofu er hægt að nota meira t.d. gljástig 10-20.
Í eldhúsi og baðherbergi er mælt með enn hærra gljástigi, t.d. Akrýl 25 eða 85 málningu. Hún er með sveppa- og mygluvörn.
Augað skynjar liti mismunandi eftir gljáa, og mattari málning gefur ljósari tón.
Litir virðast sterkari á stórum flötum.
Lýsing hefur áhrif á liti.
Litaprufur geta verið afar hjálplegar við val á litum. Hægt að fá litlar handhægar litaprufur í öllum litum og prófa hinar og þessar litasamsetningar.
Ekki er allt sem sýnist í litakortum eða tölvuskjám. Fersk litaprufa af litnum gefur raunverulegustu myndina af litnum.
Byrjið ekki á nýrri málningardós á miðjum vegg.
Rétt hitastig (15-20 °C) og rakastig (40-70 %) skipta máli hvernig til tekst.
Lesið vandlega á dósarmiða áður en vinnan hefst.