Dögg

Dögg er afskaplega hlýlegur grátóna litur. Dögg var blandaður í samstarfi við Söru Dögg innanhúshönnuð, en hún vildi fá gráan tón sem væri góður í rými með miklum gluggum og sjávarútsýni. Gráan lit sem yrði ekki blár við dagsljós.

„Dögg – Hinn fullkomni hlýi grái litur sem breytist ekki hvernig sem birtan fellur á hann. Hentar því vel fyrir björt og opin rými og einnig kósý svefnherbergi. Þó svo að hann sé hlýr þá er samt þessi fallegi reykur í honum. Hann faðmar mann auðveldlega og jarðtengir rýmið. Fallegur með öllum hlutlausum litum og muskuðum dökkum litum.“

– Sara Dögg Guðjónsdóttir innanhúshönnuður 

– Loft eru alltaf máluð á undan veggjum, svo ekki fari málning á nýmálaða veggina.

– Loft eru oftast höfð ljósari en veggir. Þannig skynjum við herbergi stærri og rýmri.

– Aukin gljái gerir misfellur á yfirborði meira áberandi. Mött málning felur misfellur betur en gljáandi.

– Ekki er ráðlagt að mála loft með hærra gljástig en 5. Á veggi í herbergjum og stofu er hægt að nota meira t.d. gljástig 10-20.

– Í eldhúsi og baðherbergi er mælt með enn hærra gljástigi, t.d. Akrýl 35 eða 85 málningu. Hún er með sveppa- og mygluvörn.

– Augað skynjar liti mismunandi eftir gljáa, og mattari málning gefur ljósari tón.

– Litir virðast sterkari á stórum flötum.